حكومة الغفله البلد انهار

بسم الله الرحمن الرحيم
حكومة الغفله العار العار
حكومة الغفله البلد انهار
يا خرطوم ثوري ثوري
ضد الحكم الدكتاتوري
التحيه لانتفاضة الشعب السوداني

ـ ابدأ حديثي مهنئا الشعب السوداني لبدايه انتفاضته المباركه بازن الله المتمثلة في اندلاع المظاهرات  في مكان في ربوع السودان الحبيب ، سودان عبد الفضيل الماظ وعلي عبد اللطيف و القرشي .
ـ التحيه للشعب السوداني الابي معلم الشعوب معاني الحريه والعزه والكرامه ،مفجر الثورات وقائد العصيان ضد الطغيان ومصاصي دماء الشعوب ، التحيه لك شعبي العبقري تحية احلال واكبار ، برغم تأخر هزا التحرك حتي ظن عمر البشير وزبانيته الزين وجدوا انفسهم في غفله من الزمان علي سدة الحكم وانهم انبياء هزا الزمان ووحدهم من يحكمون بالموت أو الحياه للانسان السوداني الطيب السمح الزين ، تأخرتكم شعبي الكريم حتي انشطر السودان الحبيب وما يزال التشظي مستمر ، تأخرتكم … تأخرتم … تأخرتم … لكن العزاء انكم عدتم والعود احمد .
ـ حكومة الغفله حولت السودان ارض المليون ميل الي شطرين متنافرين فقيرين يقاتل بعضهم البعض جراء سياساتهم الرعناء وكم حلمنا منز الطفوله بسودان موحد تمتزج فيه ثقافاته المتعدده التي هي عماد الهويه السودانيه وكم ترمنا بالاهزوجه الخالده

مافي شمال بدون جنوب
مافي جنوب بدون شمال
ومنقو قل لا عاش من يفصلنا

ـ سودان ما قبل حكومة الغفله شهد مشاريع ضخمه ، عملاقه في المركز والولايات مثل مشروع الجزيره وتنمية غرب السافنا وابو حبل وأقطان جبال النوبه و … و…و …و أين ياتري هزه المشاريع؟ وأين موظفيها وعمالها ؟
ـ حكومة الغفله حول تمازج النسيج السوداني الفريد الي فرقه وتناحر وشتات

جانجويد وزرقه
جلابه وغرابه

ـ بغض النظر عن الصحه والتنميه مازا فعلت حكومة الغفله في التعليم خاصة التعليم العالي ؟ وماقيمة الشهاده الجامعيه في الخارج ناهيك عن سوق العمل السوداني نفسه
ـ ولو تحدثنا عن البترول السوداني الزي يتبجح به زبانية حكومة الغفله رحم الله المفكر الدكتور الرفيق جون قرنق ليته تركوه تحت الارض ولم يستخرجوه لانه اصبح لعنه ومعاناة وتشريد لاهل دارفور والنيل الازرق وجبال النوبه حتي الجوار من مواطني السودان في الامس القريب بدل ان يأتي ابترول بالتنميه والتعليم وازالة التهميش صار ادأة حرب ودمار نتيجة استبدال البترول بالاسلحه والزخائروالانتنوف والسخوي والميجات الله يدينل خيركم يا أهل العيون الضيقه ناهيك عن البترول المنهوب الزي يباع بتراب الفلوس في السوق السوداء من وراء اوبك التحيه للرفيق سليمان حامد الزي فتح هزا الملف من قبل في صحيفة الميدان .
ـ في حكومة الغفله يكافأ المجرمين بمناصب أرفع ومزيد من التقريب وليست فضيحة عمارة الرباط ببعيد وطبعا كلنا نعلم مكافأته بعد استراحة محارب منصبه الحالي الزي لم تستره وكثرت فضائحه ، صفقة الدبابات المضروبه وانهزامات الجيش السوداني التي اثقلت كاهل الناطق الرسمي الوجيه الصوارمي . ولا ننسي المجرم الزي شرد شعب دارفور وأعيد الي جبال النوبه ليكمل ما بدأه من قبل .
ـ شعبي الابي الفضائح لاتعد ولاتحصي لزلك اقول لكم تأخرتم .
ـ ورطة النظام هزه الايام زرة كلب في طاحونة وفمه ملان دقيق ، وهي ورطه حقيقيه كما قال احد رفقاء الدرب في لحظة تجلي ونحن في بيوت اشباح النظام من قبل .

حكومه الغفله العار العار
حكومه الغفله البلد انهار
يا خرطوم ثوري ثوري
ضد الحكم الدكتاتوري
عامر اللكه كوكو النور

عضو المكتب التنفيذي لحركة العدل والمساواة السودانيه
25 يونيو 2012