صخب صخب عاش الرئيس المنتخب

بسم الله الرحمن الرحيم
صخب صخب عاش الرئيس المنتخب!!!!!!!!!!!
محمد يوسف البرقاوي
والله لاادري كيف لرئيس مصاب بالجنون ويسمح له بالحكم ولا اعرف اي رئيس دولة اصيب بهذا المرض وظل علي كرسي الحكم يأمر وينهي كيف يشاء الا في حالة سعادة الرئيس السوداني ( المشير عمر البشير ) الذي يجب ان يكون مكانه الطبيعي هو مصحة كوبر للامراض النفسية والعقلية او مستشفي التجاني الماحي لان الرئيس والله علي ما اقول شهيد يعاني اضطرابات نفسية في غاية ن الخطورة وذلك منذ وقت ليس بالقريب اي منذ ان اصدر السيد ( المرعب او كامبو ) مزكرة باعتقاله اثر اتهامه بارتكاب جرائم حرب فمن يومها بات الرجل يتصرف تصرفات غريبة وغريبة جدا يحلف بالطلاق ويتراجع يرقص في اي ركن من اركان السودان ( يمزك مزيكة زي الترتيب ) يسب وىشخط زي ما داير عمل ليهو انتخابات وفاز فيها بالتزكية ( لا حول ولاقوة بالله ) حتي اسلوب كلامو يوحي بانه شخص غير سوي اطلاقا ( علي الطلاق بلوها واشربوا مويتها والله ساعد كاب ما يدخل البلد دي انحنا كديس ما حنسلموا لانو جلد الكديس بيبقي مركوب الناس الكتلناهم في دار فور عشرة الف فقط لاغير!!!!!الداير داير والماداير يقع البحر وانحنا حنقطع الايادي ونقدد العيون ) يعني كلام فاسخ ورابط علي مثل اهلنا اذا هذا الانسان مجنون يجب ان يعمل له الف حساب خاصة بعد ان تعرضت قواته الي ضربة موجعة جدا جدا وكل انسان شاهد الرجل في استاد الخرطوم ( ومعه ابو ريالة) النزيل الجديد في لاهاي يدرك ان الرجل فقد صوابه وبدأ يفك اخرو علي اية حال السودان موعود بايام عصيبة جدا والضحايا هم الابرياء لان معروف من هم الدفاع الشعبي هم قوات الردع كما وصفهم البشير لكن يردعوا مين اكيد المواطنين العذل لان البشير اذا اراد الزج بهم الي ميادين الحروب فهذا انتحار لانهم سيذهبون الي محرقة لامحالة وعليهم ان يسألوا الجيش المرق ومارجع السيد البشير قال انحنا قدمنا 18الف شهيد ومستعدين ان نقدم اكثر من ذلك اقول لك يا سيادة الرئيس حقو تبدأ المرة دي باولادك او اولاد اخوانك لانكم وحدكم المستفيدين من البلد دي ولا اظن ان تجد 18 الف سوداني يموتون وانت تظل في كرسيك الم اقل لكم ان الرجل شوطن خلاص هل يعقل ان يذهب شخص الي الدفاع الشعبي ويلا قي العدل والمساواة والله الا يكون مدينو حبوب هلوسة او جايبنو من المصحة النفسية يا سيادة الرئيس ده كلو ما بحلك من ناس الشهيد خليل ورفاقهم ولو سمعت كلام محللكم السياسي العاقل والحكيم دكتور الاصم احسن ليك لانو الاصم قال الحقيقة انو الجماعة ديل لو جابو ليهم اعتي الجيوش في العالم ما بتقدر تعمل ليهم شئ وده كلام في الصميم الناس ديلك ما بداوسو ليكم امامك حل واحد فقط وهو ان تسلم نفسك انت ومن معك من الذين ارتكبت معهم جرائم الابادة الجماعية والتطهيرالعرقي الي  الي العدالة الدولية فورا شان تهمي نفسك من الشنق لانو ناس لاهاي ما عندهم اعدام لكن والله العظيم تقعد تتهاون وتعمل فيها دفاع شعبي ولا بلاطجة ما تلوم الا نفسك لانو الجماعة ديل لو جوك بتلحق اخوك القذافي بدون شك وعندك فرصة كبيرة قدامك وما تراهن علي ايران وتركيا وقطر ولا كمان علي سلاحكم الجديد الاسمو (الشواظ ده) لانك عسكري واظنك عارف شنو يعني تجارة السلاح نفس الناس الادوك الشواظ بالمجان بيببيعوا الشواظ ولظي ولهيب وسقر للاخرين لذلك المعادلة تتناسب تناسبا عكسيا اذا سلم تسلم انت محاصر من كل اتجاه وكل الدروب والممرات مغلقة الا درب واحد وهو الطريق المؤدي الي اوكامبو ودرب السلامة للحي قريب دع ما يريبك الي مالايريبك ( صخب صخب عاش الرئيس المنتخب ) وقبل مانقول مات ارئيس المنتخب
[email protected]