مواطنو ولاية كسلا يستنكرون ارتفاع اسعار الخراف مع اقتراب عيد الأضحى المبارك

(كسلا – سودان راديو سيرفس)      مع الارتفاع الشديد للأسعار في السلع الاستهلاكية وخاصة بعد تنفيذ قرار رفع الدعم عن المحروقات ارتفعت ايضا معها اسعار الخراف مع اقتراب عيد الأضحى المبارك مما ادي الي ضعف الاقبال من قبل المواطنين علي شراء خراف الاضاحي.
هذا وقد ابدي العديد من المواطنين بولاية كسلا عن استنكارهم لارتفاع اسعار الخراف الذي اصبح في غير متناول الايدي بالنسبة للمواطن.
وقال المواطن فايز محمد صالح ان الحكومة احضرت خرفان بالأقساط  بقيمة 1200 جنيه وهذا يعد محرما لعدم وجود فتوي تحلل الأضحى بالأقساط وقال ” الاسعار بصفة عامة طبعا هي ليست في متناول اليد لكن رجلك في ايدك تبقي في متناول اليد يعني مثلا الخروف اللي ب 600 ده ما بيضحي ليك وما يسموه 3310 يعني هو فقط  ديك وعنده اربعة أرجل, وباقي الخرفان دي طبعا للوزراء والجماعة ديل ناس ابو 1500 و1200 و1300 وحدث ولا حرج وطبعا الله يخلي الحكومة قاعدة تأكل فينا الحرام في الحرام في الحرام جايبة لينا خروف انت لا شفته ولا رايته ب1200, وبالأقساط  دي الحرمة التانية لانو ما في ضحية بالأقساط, اقبال شنو ما في زول قاعد يشتري وما في زول بيشتري و أول حاجة عشان القي المليون واشتري بيها الخروف ده في حد ذاته معناته ابقي يا حرامي يا منافق يا تبع الحكومة.”
وفي نفس الاتجاه قال المواطن أيمن الامين ان اكبر الخراف يقدر بحوالي 1500 ومتوسط الحجم بحوالي 1200 او اكثر وقال ” الاسعار من مليون ومائتين او مليون وخمسمائة الي مليون وتسعمائة , مليون وثمانمائة وخمسين, ليس كل الناس حالتهم ميسورة لكن الحمد لله الواحد اذا مشي ما يطلع الا بخروف, اسعار الكبيرة حوالي 1500 والاصغر منه شوية حوالي 1200 ولا 1220 اما الاصغر حوالي 900 او 850 الله سيتر بس.”
المواطن ايمن الامين من ولاية كسلا في حديث لسودان راديو سيرفس عن الارتفاع الحاد في اسعار الخراف في السودان.