طريقه بسيطه وسهله لمقاومة الغاز المسيل للدموع ( البنبان )

بسم الله الرحمن الرحيم
( يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ )
(( قُلْ هَلْ نُنَبِّئُكُمْ بِالْأَخْسَرِينَ أَعْمَالاً * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً)
صدق الله العظيم
الاخوه الكرام
شرح بسيط ل للأخوة الثوار حول كيفية مقاومة الغاز المسيل للدموع ( البنبان )
الماده المستخدمه :
حتكون الفيكس الصينى او ما يعرف بالجيزال او اي ماده اخرى ذى الفازلين
طريقة الاستخدام :
1 / نستخدم اى واحده من المواد المذكوره دى بوضعها على الوجه ونركز اكتر حاجه على المنطقه حول العيون بس نعمل حسابنا بالذات من الفيكس او الجيزال من انو يلمس العين من جوى
2 / نمسح فى المنطقه الثانيه فى المناخير ومنطقة الشارب بالبلدى كده يعنى نمسح برضو نخرينا ومحل الشنب بالذات فى الفيكس لانو ريحتو قويه ونفازه حتقلل لينا من  ريحة الغاز
وفى ناس حاتسال ليه المواد دى بالذات اقوليكم بعد التجريب وعلى نفسي شخصياً
المواد دى بتكون طبقه عازله للجسم من المواد الكيميائية المتفاعله من الغاز المسيل للدموع  مع الجسم للطبقه الخارجيه مع افرازات الجسم من العرق و الدموع فى منطقة العيون
واتمني ياجماعه انو الكلام ده يتنشر على كافة المجموعات والصفحات الشخصيه والرسميه  والخاصه  وكل الصحف اذا امكن كل العليك اعمل نسخ لى الكلامه ده والصقو فى الحتى الانت عايزه
وملحوظه :
امهاتنا واخواتنا فى البيوت برضو يستخدموها حمايه ليهم من اثار الغاز
ووفقنا الله واياكم لما فيهو الخير
اخوكم / وليد الفاتح عثمان
[email protected]