شبكة حجر قدّوْه للمعلومات في سلسلة فضائح وطرائف عصابة النظام
عبدالحميد إبراهيم – أمريكيا –الخرطوم “سري للغاية”
في إجتماع مُغلق هييعع الرّيس (التيس) يُعين سيسي زعيماً وإبليساً من غير سنون
الفتي الأبنوسي يقتحم الجلسة المغلقة و الجميع هِششش (كًرَسُوُ)
أبوالتوج قبض أبوصلعة كاش داون ماهية سنتين ويتغني فراقو قاسي ياناس فراقو قاسي
حجر قدّوْه تفتح ملف مختوم بالشمع الأحمر .. وتقيل تقالة دم سيدو
أمرق يا لام وتعال يادينق وخليك بجاي في الركن … كرتي جناح يمين وإسماعيل رأس حربة … أخونا الفتي الأبنوسي دينق ألور بقي في الخارجية وكل ده لزوم المُخارجات والإنفصالات الجايه بعد يومين “والله يكضب الشينة” … والزول لمن يكون في وزارة المخارجات دي يعني معزووم معزووم في المناسبات … وطبعاً ملك 
الملوك لمن بيعزم غداء بلملم كلو أصلو كريم خلاص وطرابلس وبنغازي بلاد حلوة وواسعة بالحيل … وتاري ماعارف إنو في ناس بتحب الملح وبيجو طياره “مأصلو دمهم بقري” … ياخي ده ماطياره بس كل ده لزوم الساتر أصلو ناس صلاح قوش والجماعة الطيبين طبخوها كِدَه … في إحدي الأمسيات أخونا دينق مسكتو زلزلت “قالو واحد من الجماعة زقاهو إسم من باقي لوح مناوي في بلح قًنًديلا” ومن حيث يدري ولا يدري أخونا لقي نفسو بيشم هواء قدام جناح الرّيس … “وطق طق طق كركبة في الباب” وأخونا دينق – السلام عليكم ياجماعة – كع بعد خطوتين من الباب إتسمر مكانه وفي سره كده “يا لهوي هو في أيه ياجدعان” … شن لَمّ سيسي بالجماعة ديل أنحنا جيناها ضحي في نيفاشا “بس حاجه ده فوقو إِنَة” … الرّيس لدينق إتفضل أبقي لقدام … الأبنوسي مَسَكْ محلًه في كرسي غريق وخلف رجله “مالو ماجابه بضراعو وحُمُرة عين عدييل كِدَه” .. ياخي جنس بشتنة الحوار إنقطع وكلوا ماعارف يواصل في كلاموا “وطار الكلام مني حبيته زنوبه” … دينق لقط الشغلانه وهي طايره أصلو متخصص في الطيارات … ولزوم المفهوميه دينق في كلمة كلمتين 
وباي باي للجماعة … هييعع التيس يُعين سيسي زعيماً وإبليساً من النوع أبوكديس “بس من غير سنون”…عمك سيسي عصلج شوية وصره وشو زي آخر الشهر … صلاح قوش قايلو نطه من الإتفاق … عبدالرحيم “أبورياله” مالك يا أبوالتوج أفصح وضح في شنو … الرّيس خلّو براحتو ياجماعة … وكههه هرشو ليك … ماتتكلم وراءانا مشاغل تانيه “أصلو علي اللحو كان في الرحلة بس متخفي لزوم الساتر … والرّيس علي طول متعود وعايز تمارين علشان الرجلين ماتتقل” … أبوالتوج بصوت مُقَطّعْ والله أنا شايل هم المعلوم والذي منه … صلاح قوش همس في أدان الرّيس “ياخي ده رخيس جنس رخسة” … الرّيس بس كِدَه ما تخاف بتوصلك لغاية عندك … “أبوالتوج قبض أبوصلعة كاش داون ماهية سنتين وهو يتغني فراقو قاسي ياناس فراقو قاسي” صحي رخيس ومن بعده تم تثبت بث المسلسل اليومي علي الفضائية القطرية (أبوالتوج السايس حيدخل القصر) .. بس ممكن نسمع خرخرة من شلة صافي النور وموسي هلال نتابع ونواصل!!