هذه القصيدة بعث بها الينا في بريد الامانة الثقافية احد شباب السودان في الداخل تمجيداً للجبهة الثورية ورفض ذكر اسمه فهي مهداه لكل الثوار في الجبهة…
الجبهة
انت الجبهة وانت الثورة
وانت خلاصنا وانت أملنا
من الكابوس الحل وسطنا
وانت دعائم لي نهضتنا
نردع بيها الكان خادعنا
ومص دمانا وكتل أهلنا
دخل لينا الهوس الديني
وفرق بينا وبين لمتنا
الحاول يخلق بينا عداوة
عشان نتعنصر لي قبيلتنا
ولي أعرافنا ولي ديانتنا
ونفقد لي وطنيتنا
سودان العزة الكان حارسنا
وحرس لينا كمان وحدتنا
من الدجال الداير يفسد كل ماضينا
يمزق كل وطنا
انت الجبهة وانت الثورة
وانت مراية مستقبلنا
لي وطن العزة انت هدفنا
الفيه نمارس حريتنا
وبدمقراطية حرة نزيهة
نرشح فيها البيمثلنا
بدون تهريج ودعاية رخيصة
نقيم بالعدل أساس دولتنا
انت الجبهة وانت الثورة
وانت بشائر لي نهضتنا