شبكة حجر قدّوْه للمعلومات في سلسلة فضائح وطرائف عصابة النظام
H.G Network
عبدالحميد إبراهيم – أمريكيا – الدوحة – الخرطوم “دهاليز المؤتمر الوطني”
أسامة عبدالله فاقد تربوي وطرد من الجامعة بالتزوير وسؤ السلوك
من مؤسسي بيوت الأشباح وإدارة العمليات القذرة منها “إغتيال حسني مبارك”
سفاح السدود في تنظيم الأبالسة المسئول السياسي الجديد عن جهاز الأمن
في مكتب المشير “الراقص” إقصاء طه “الدلاهة” وتعيين كباشي .. وكله من عمايل الفتي المدلل أسامة
تواصلاً لتسريبات “شبكة حجر قدّوْه للمعلومات” هذه المرة “دقشنا شويه” في دهاليز أبالسة المؤتمر الوطني
أفادة مصادرنا بأن المجموعة إياها قررت إختيار مسئول سياسي لجهاز الأمن ليواكب المرحلة والمتغيرات الحالية ودار النقاش هنا وهناك “تكسير التلج بالكوم والحفر كمان لزيادة الكيمان” وركزت الترشيحات وتوقفت في ثلاثة أبالسة وهم (عوض الجاز – أسامة عبدالله – الزبير محمد الحسن) ورفعت القائمة لمن بيديه الأمر وبدءت المُنظارات والمناطحات في معرفة ذوي المقدرات الشيطانية لتوازي دولة الشريعة الجديدة وحاملة لواء العروبة “الدق – القطع – القطع من خلاف – القتل والصلب (ما شغل الدغمسة الزمان يونيو 89 يونيو 2011) والله ده كلامه” ونال كلٍ من الثلاثي الآتي:
الزبير محمد الحسن: الجماعة .. قالوا ده راجل متدين ومحافظ يعني “very conservative” يعني درويش عديل وناقصو طار .. وما بينفع للشغلانة دي !!إنتهي
عوض الجاز: الجماعة .. نطوا فوق “عوووك ده أبو بيوت الأشباح زاتو وكان بيشيل الطوب في ضهروعلشان يبنيها” بس المال فتنة فأخوكم في الله كترها حبتين وإنتخم (كرشو كبرت) ومشغوليته كِتْرتْ مع الدولارات ومتابعة التقسيمات “طبعاً كل واحد كان نصيبوا مربوط بالجاز “Oil” (عملتوها ياناس SPLM/A) وحسع إتشقلب البلِع للتعدين والصناعة و.. وياعالم الله بكره يكون شنو” الجماعة زادوا وقالوا .. ده مجاهد و سادي ثغرة وكلو في سبيل الله .. ولا لدنيا قد عملنا.
أسامة عبدالله: الجماعة .. كل واحد فيهم أصبح يعاين للتاني “والله تبْ ما فوقو كلمة ده بيغطي عين الشمس” طبعاً صحبك التيس (أوه الرّيس) بيموت في الإجماع علي أي شيئ ومن كترت حبه ليهو بارك الإختيار .. يعني شيخ علي عثمان رجع تاني (علي وزن رجع الصدي) “وعمك الرّيس أخد سِيِك وآس العتوه كان معاهو .. كُتشينة عدييل كده”
* أسامة عبدالله الفتي المدلل وسفاح السدود .. من مؤسسي بيوت الأشباح .. يتميز بالقسوة والمراوغة البارعة .. فاقد تربوي وتم طرده من جامعة الفرع علشان كان مستنسخ ليه واحد تاني لزوم الإمتحانات .. هو المتحكم الفعلي في مكتب الرّيس حيث قام “بإقصاء طه “الدلاهة” وتعيين كباشي محله” .. من حيران الشيخ علي عثمان وعمك المشير ما جايب خبر وقايلو من شلته.