سلفا كير ما حرام عليك !! زي سودانا الموحد يهون عليك

كيف تمشي وتخلينا للإنقاذ وفرض المشروع العروبي و إرغامنا على قبول الثقافة العروبية  نحن الرطّانه لماذا إخترت الإبتعاد والإنزواء في أقاصي الجنوب نحن لا زلنا نؤمن بالسودان الجديد وحتى قبل سنوات قلائل كنا نراهن على نجاحكم في تغيير الوضع في إطار السودان الموحد وحتى هذة اللحظة نناشدك بكل معاني الإخاء وبكل أيام الصفاء والمحبة والعُشرة الجميلة التي ربطت بين أبناء الجنوب وشماله ونناشدك بكل معاني الوفاء للآلاف ممن آمنوا بالسودان الواحد وبمشاعر أولئك الذين تصاهروا وتزاوجوا وتناسلوا وبأصوات أبنائهم ومستقبلهم نناشدك ان تنظر إلينا بعين الرأفة والرحمة وان تجعل وحدة السودان خيار اللحظات الأخيرة وان تعطينا أمل للمستقبل
ماذا لو إستمعت إلينا وقلت لنا ما عاش من يفصلنا ؟ وماذا لو أدرت دفّة السفينة نحو شواطئ وحدة السودان ؟ وماذا لو ناضلت سنوات أخرى من أجل ضمان التحول الديمقراطي تحت ظل سودان واحد موحد ؟ أنت والرفيق جون قرنق وعدتونا بسودان جديد سودان كبير سودان يسع الجميع أين أدبيات الثورة وأين شعارات الحركة ؟ وأين نحن أولئك الذين إنتظرنا عقوداً من الزمان منتظرين النصر والحرية وإنهاء التهميش هل نسيت كيف أننا خرجنا بالملايين لإستقبال الرفيق جون قرنق يوم وصوله للخرطوم حينما قال إنه يعتبر تجمهرنا إستفتاء على وحدة السودان فبالله يا سلفا كير ما حرام عليك !! زي سودانا الموحد يهون عليك
كل القبائل الغير عربية تقيله عليهم الدعوة الإنفصالية
وكتيره عليهم البشتنة والجهجهة دي يا سلفاكير
فبالله يا سلفا كير ما حرام عليك !!
 زي سودانا الموحد يهون عليك
نرجوك رجاءاً خاصا ان تعيرنا إنتباهاً وكلنا عشم ان تصلك هذة الرسالة
عبد الله بن عُبيد الله
ولاية إنديانا
الولايات المتحدة الأمريكية