كلامك صاح ياباقان *** اوصي الاوربيين والامريكان
خليهم يشددو علي الشودان *** دي بس نافع وعلي عثمان
حكومه ماعندها امان *** لابتحمي البنات ولا الصبيان
عملو شنو في السودان *** غير انتهكو حققوق الانسان
الشجاع اصبح جبان *** والمهمشين مافي الحسبان
الكل فقد الاطمئنان *** وفتن وموت في ملكان
اما دارفور خلي في الكتمان *** الكبير والصغير عيان
لم يتركو حتي الحيوان *** وماتت نار القران
اسهال ملاريا وعيرقان *** حرسين في المعسكر عيش بان
كل الشعب قرفان *** وذعلان من مصطفي عثمان
كتر خيرك ياود عثمان *** شعب شحات وعدمان
دا برضو كلام القران *** ولا مس من الشيطان
نص الشعب ماشي خفيان *** وانتو مارسدس ونيسان
ولبني مهدده بالسيطان *** عشان بنطلون وفستان
معقول يكون دا السودان *** دا اكيد نظام طالبان
وخلو الحصانه لي عرمان *** دا راجل اخو اخوان
ما ذي البطبلو للسلطان *** بقول الحق في كل مكان
حكومه ذي السرطان *** اسماك قرش وحيتان
شافع جعان وعريان *** وشافع اجازه ماليزيا وباكستان
وين فضل الظهر يااخوان *** بايت شبعان وجارك جعان
وماتنسي ياباقان *** تقول لي هيلري وسوزان
دا كلو كان برهان *** والشعب شاهد عيان
اسال الله المنان *** يهديكم في رمضان
شهر التوبه والغفران *** يتوب عليكم من خراب الاوطان
ويغفر ليكم كمان *** حرق القري والفرقان
ابا عباده
[email protected]